Turistet e huaj pushtojne lulishten te “Parku Europa”

Vetëm 10 ditë nga hapja e “Parkut Europa”, janë të shumtë qytetarët, por edhe turistët të cilët gjatë shëtitjes në sheshin “Skënderbej”, preferojnë që të ndalen për disa minuta çlodhjeje nën freskinë e pemëve të sapombjellja e cila i ngjan një oazi qetësie në qendër të qytetit. 

Aktualisht ka nisur puna dhe për mbjelljen e luleve shumëngjyrëshe dhe për barin duke krijuar një tapet të gjelbër. Të publikosh një foto në Instagram apo në Facebook nga sheshi “Skënderbej” dhe nga lulishtja pas monumentit të Heroit tonë Kombëtar është kthyer tashmë në një trend. Që prej marrjes së detyrës në krye të Bashkisë së Tiranës, kryebashkiaku Veliaj ka nxitur zgjerimin e zonave të gjelbra në qytet, si parqe, kopshte publike të cilat plotësojnë një sërë funksionesh, duke filluar nga vlerat ekologjike tek funksionet rekreative. Ato gjithashtu ofrojnë vlera estetike dhe kontribuojnë në një cilësi më të mirë të jetës së banorëve të Tiranës./Shqip 

Më të lexuarat